Доколку вашиот предмет не постои во пребарувачот, ве молиме истиот да го испратите со пополнување на формуларот и истиот ќе биде вклучен во базата со податоци со опис на правилниот начин на отстранување.
Состав
Пластичниот прибор за еднократна употреба најчесто е изработен од полистирен или полипропилен.
Влијание врз околината
Проблемот со пластика за еднократна употреба е нејзината масовна употреба и честото неправилно отстранување, поради што големи количини пластичен отпад завршуваат во природата и претставуваат закана за целиот екосистем.
Упатство за отстранување
Одложете го во сад за мешан комунален отпад или во сад за пластика (зависно од упатствата на локалните служби за управување со отпад).
Интересни факти
Согласно Директивата на ЕУ 2019/904 за намалување на влијанието на одредени пластични производи врз животната средина, од 3 јули 2021 година во земјите-членки на ЕУ не е дозволено да се пуштаат на пазарот пластични чинии, прибор за јадење, сламки, држачи за балони и стапчиња за уши за еднократна употреба. Пластичниот прибор за јадење сега се заменува со дрвени, хартиени и биоразградливи варијанти.